لژێر سەرپەرشتیا ڕێزدار (پ.د. دیار عبدالکریم سعید) سەرۆکێ زانکۆیا زاخۆ، یانا ژینگەهێ- زانکۆیا زاخۆ دەست ب گەشتا خۆ کر ب ئەنجامدانا چالاکیەك مەزن ل سەر ئاستێ ئیدارا سەربەخۆ یا زاخۆ.
پشتی هەماهەنگیا دگەل ستافێ یانا ژینگەهێ و کەمپیا ئێکوسیا ژمارەکا برۆشەران ژ لایێ ستافێ یانا ژینگەهێ ب سەرپەرشتیا سەرۆکاتیا زانکۆیا زاخۆ هاتن ئامادەکرن ژ بۆ مەرەما بەلاڤکرنا وان ل سەر ٢٦٨ قۆتابخانان دگەل بارکودێن تایبەت ب لینکێ کوردستانێ-ئێکوسیا.
مەرەم ژ ڤێ پێنگاڤێ ئەوە کو زانکۆیا زاخۆ یانا ژینگەهێ چالنجەکا ژینگەهی دگەل رێڤەبەریا پەروەردا زاخۆ دکەت کو ئەو پێکڤە ژمارا بکار هێنەرێن ئیکوسیا زێدە بکەن.
هێزا ژمارا د چالنجێ دا:
ئەگەر ل سەر ئاستێ ئیدارا سەربەخۆ یا زاخۆ بتنێ ١٥٠٠٠ قۆتابی و فەرمانبەر رۆژانە ٥ لێگەریانا ل سەر ئێکوسیا کوردستانێ بکەن رۆژانە دێ ب ناڤێ کوردستانێ ١٥٠٠ دار هێنە چاندن ل وەڵاتێن زیانفێکەفتێ ژ لایێ ژینگەه و داربرینێ و گهورینا کەش و هەوایێ هەسارا مە.
ژ هەژیە بێژین ئەڤە مەزنترین کەمپینا ژینگەهێ یە نۆکە ل سەرانسەر هەرێما کوردستانێ و عیراقێ کو تا نها ٥ زانکۆ، ٣ رێکخرواوێن نەحکۆمی و دەستەیا پاراستن و چاککرنا ژینگەهێ یا حکۆمەتا هەرێما کوردستانێ بەشن ژێ و نۆکە پەروەردە ب ٢٦٨ قۆتابخانان هاتە دگەل ڤێ کەمپینێ.
پێنگاڤا دووێ ژ ڤێ چالاکیێ ئەوە کو راهێنەرێن پەروەردا ژینگەهی ژ لایێ رێڤەبەریا پەروەردێ دگەل ستافێ یانا ژینگەهێ چالاکیان پێکڤە ئەنجام بدن.
https://ecosia.co/krd